butiku BIGSTAR

Enterieri i këtij butiku është i fokusuar në ndarjen e hapësirave me anë të dizajnit. Pasi që butiku është i gjithi për femra, është e rëndësishme që me anë të dizajnit të bëhet orientimi i klientëve.

Detail i rëndësishëm i projektit është përpunimi i pllafonit me kubëza që thejnë dritën duke krijuar një lojë të veçantë të dritë hijes. Pllafoni i shtrirë përgjatë butikut është dizajnuar si elementi më dominues në organizim të enterierit, duke krijuar një “fole” të karakterizuar nga një ndriçim i përshtatshëm dhe dukje komfore, që mundëson ekspozim të produkteve në mënyrë të barabartë por dhe njëkohësisht ekspozime të veçanta.

Ekspozimet e shumta që mund të gjenden këtu paraqesin një bollëk detajesh origjinale, por gjithashtu janë të përziera dhe përputhen me elementet moderne. Ndonjëherë, ngjyrat papritmas marrin një formë të guximshme, duke e dhënë një ndjesi aventureske në dyqan. Futja e ngjyrave në hapësirë, sjellë një atmosferë shumë të ngrohtë dhe mikepritëse, duke të drejtuar drejtë kthinave të specifikuara të ekspozimeve.